​

68°44’N – 52°21’W, Akunnaaq, Kalaallit Nunaat

”ANORI” Kalaallit Nunaanni eqqumiitsuliaavoq pilersinneqartoq Akunnaami 2019-imi, Kalaallit Nunaanni aaqqissuunneqartoq. Peqatigiiffimmit iluanaarutaanngitsumit ”Les Amis du Manguier” imit franskimillu eqqumiitsuliortumit Oijhamit. Nunaqarfiup meerartai Peter Larsenilu, utoqqaanertaq, siunnersorsimavaat tingerlaaterujussuarnut Qalipaatit Amikut pilikkii atorlugit titartaallutillu taallanik allassasut pilersitallu taakku Akunnaami eqqaanilu nivinngartiterneqassasut. Oijhap aamma ”Issittumit taallat” allappai, ”Qinnutituut”, soorlu erfalasutut anoritut erfattutut, issittup naassaanngitsutut misinnarsinnaasumik inoqajuitsuani qanilaartumik oqariartuutinik siaruaasutut.

​

”ANORI”mut isumassarsiaq immikkuullarissumit kusanartumit pilerpoq – Kalaallit Nunaanni nunaqarfinni illut akornganni atisat nivingasarput, atisat qalipaatigissorpassuit. Allaat ukiumi sila issitsillugu tamakku atisat qeringaluarlutik takuneqarsinnaasarput anorimit erfattut. Sooq taava isigisaq taanna taalliatuulli kusanassuseqartoq eqqumiitsuliarpalaartutut allanngortissanngila?

​

Peqatigiiffiup Iluanaarutaanngitsup ”Les Amis du Manguier”ip pigilersimavaa atortoq akisoorujussuullunilu aserujaatsorujussuaq, tassaasoq tingerlaat nutaanngitsuullunilu angisoorujussuusoq. Tingerlaatitoqarsuup atoqqillugu anorimi inuuneqalerseqqinnerata taalliat qasusuillunilu anguniaqarneq isumalerujussuaq pilersippaa. Qisuup sannaa Qeqertalik Kommunemit atukkiunneqarpoq.

​

Uuma Nunami Eqqumiitsuliornermik pilersitsinerup Franskit-Kalaallillu akornganni kulturikkut paarlaasseqatigiinneq iluaqutissartarivaa. Kinguaariit inuusuttut utoqqaallu akornganni naapeqatigiinnissaq toqqammavigivaa. Qalipaatit Amikut pilikkiiisa atornerisa pinngortitamut ataqqinninneq toqqammavingaa. Uannga Nunami Eqqumiitsuliornermik pilersitsineq tassaavoq neriunnermik nuannaarnermillu oqariartuut.

​

​

"Akunnaap meerartai eqqarsaatigisorujussuuakka: Brian Andreasilu, Karlo aamma Gherardt, Minik Nathalialu, Paneeraq, Rikkalu. Qamanngavillu Utoqqaanertaat Peter Larsen, ilinniartitsisut Ane Jeremiassen, Jens Piitaq aamma Aqqalu Jeremiassen, Johan Karlsen aamma Aqqalu Sandgreen. Aamma uannga kalaallisuunngortitsisoq Maria Steenholdt annertuumik qutsavingaara. Uummatinnit pisumit isumaqarpunga peqatigiiffik iluanaarutaanngitsoq ”Les Amis du Manguier” umiarsuullu naalagaa Philippe Hercher ataavartumik qiimmannartumik kajumissuseqartuusut".

​

Oïjha